Ka: Maamulaha Iskuulka Ramadan ee degmada Ceelwaaq Ku: Dhamaan Jaaliyada dibadda ee ka soo jeeda Deegaanka Ceelwaaq
Ceelwaaq, Somalia (AOL) - Waxaan halkan idiinku soo gudbinaynaa warbixin ku saabsan iskoolka degmada Ceelwaaq ee gobolka Gedo. Iskuulka waxaa la aas-aasay bishii janaury 2007, waana iskuulka kaliya ee ka howl gala degmada Ceelwaaq, waxaana aasasay dhalinyaro aqoonyahano ah oo ka soo jeedaa deegaanka Ceelwaaaq, kuwaasoo aad ugu kuur gtalay baahida wax barsho ee ka jirta deegaanka iyadoo ay deegaankan ku nool yihiin dad aad u fara badan oo ubadkooduna ay haysato dhibaato wax barasho la’aan ah. Xaalada iskuulku meel fiican bay hadda maraysaa runtii, maalinba maalinta ka dambaysana horu mar buu gaadhayaa.
Dadka deegaanka meel kale wax caawimo ah kama helaan, laakiin waxaa jira gudi waxbarasho oo ka kooban 6 xubnood oo isugu jira macalimiin, walidiin, ganacsato iyo culimo, kuwaasi oo mar kasta ka war haya sida ay waxbarashadu u socoto wacyi galina siiya waalidiinta sidii ay caruurtooda u keeni la hayaayeen dugsiga. Ma jirto meel kale oo aan ka helo buugaagta ardayda aanu wax uga dhigno iyo tababaro wakhtiyada fasaxa marka laga reebo urur wadani ah oo ka dhisan Degmada B/dheere kaasoo la yiraahdo HIRDO oo hal mar naga soo gaartay Buugaagta Manhajka UNICEF ee qoraalka (Text Books) iyo Jeestooyin.
Marka hore waxa aan halkaan salaan qiimo badan usoo jeedinayaa iyo codsiba dhamaan Jaaliyada dibada jirta ee ka soo jeedaa deeganka Ceelwaaq iyo shaqsiyadka kale ee daneenaya horumarka wax barasho ee hada ka bilaabatay deegaanka Ceelwaaq in ay isku howlaan sidii ay horumar xaga waxbarashada ah ay u gaarsiin lahaayeen deegaanka Ceelwaaq una dhiiiri galin lahaayeen dhalinyarada u istaagtay in ay jahliga ka saaraan dhalinta deegaanka Ceelwaaq iyo nawaaxigeeda.
1- Dhinaca mushaaraadka Macalimiinta iskuulka
Cidii rabta in ay Iskuulkaan gacan ka geysata ama hesho faah-faahin intaan ka badan waxay la xariiri kartaa mas'uuliyiinta Iskuulka oo ah kuwa hoos ku qoran:-
Sheekh Xuseen Qoordheere Culuma udinka Deganka (Ceelwaaq/Somalia) Abdi Haji Gudomiyaha Gudiga Iskuulka (Ceelwaaq/Somalia) |
||||
Iskuulka Ramadan waxaan ku dhignaa lix macalin oo kala ah aniga oo Maamule ah iyo shan macalin oo kale. Tirada ardayda dhigata iskuulka Ramadan ee degmada Ceelwaaq waa 210 arday, waxaana Gabdho ah 70 arday, intaa way ka badan lahaayeen laakiin dadka oo aan awoodin in ay iska bixiyaan lacagta yar ee Fee-ga ah taasoo sababtay in ay ka faa'idaystaan fursadaan arday aad u yar. Ma jiro wax mushaar ah ee ay ka helaan macalimiinta waalidiinta dhalay ardayda hase ahaatee waxaa jira lacag yar oo laga qaado ardayda oo lagu maareeyo agabka iskuulka sida Jeestada iyo Sabuuradaha iyo sajaayadaha Fadhiga maadaama uusan Iskuulku laheyn kuraas iyo miisas. 
Baahiyaha iskuulku waa badan yihiin waxaa ka mid ah iyadoo ardaydu aysan haysan Kuraas iyo Miisas ay ku fariistaan. Sidoo kale, buugaagtii ay macalimiintu wax ka dhigi lahaayeen, guryaha hada iskuulka lagu dhigtaa waa guryo uu noogu deeqay Ibraahin Bursaliid ku waasoo hada u baahan dayactir aad u wayn iyo ayagoo yar oo ka kooban 3 qol oo aysan ku filnayn ardayda. Deerka guriga oo aad u burbursan una baahan dayactir buuxa. Iyo macalimiinta oo mushaaraad la’aan ah maadama ay hada si Mutadawac nimo ah (voluntarily) ay wax u dhigaan. 
